Қазақстан Республикасының аумағында карантиндік және аса қауіпті инфекциялардың әкелінуі мен таралуының алдын алу мақсатында Астана қаласы санитариялық-карантиндік бақылау бөлімінің Түркістан қаласы санитариялық-карантиндік бақылау мамандары «Түркістан халықаралық әуежайы» қызметкерлері арасында «COVID-19 ауруының эпидемиологиялық жағдайы және алдын алу» тақырыбында семинар өткізді.
Семинар барысында Түркістан халықаралық әуежайының қызметкерлеріне COVID-19 ауруының таралуын болдырмау үшін маңызды ақпараттар беріліп, инфекцияның алдын алу шаралары туралы түсінік берілді. Астана қаласы санитариялық-карантиндік бақылау бөлімінің мамандары өз тәжірибелерімен бөлісіп, эпидемиологиялық жағдайды тиімді басқару мен бақылау тәсілдерін таныстырды.
Сондай-ақ, әуежай қызметкерлеріне вирусқа қарсы вакцинацияның маңызы мен қажеттілігі, жеке гигиена талаптары және қоғамдық орындарда инфекцияның алдын алу шаралары туралы кеңестер берілді. Семинардың басты мақсаты – әуежай қызметкерлерінің эпидемиологиялық білімдерін арттыру және оларды қауіпсіздік шараларына сәйкестендіру арқылы жұқпалы аурулардың таралуына қарсы тұру.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/961789?lang=kk
Жауап қалдыру Жауапты болдырмау