«Таза Қазақстан»: ҚазҰУ студенттері қаланы тазарту жұмыстарына қатысты
Әл-Фараби атындағы Қазақ ұлттық университетінің 500-ге жуық студенті «Таза Қазақстан» экологиялық акциясы аясында өткен «Алматы – біздің ортақ үйіміз» науқанына қатысты.
Іс-шара 23 наурыз – Тазару күніне орай ұйымдастырылды.
Оқу ордасының білім алушы жастары қаланың көшелерін және саябақтарды қоқыстан тазарту жұмыстарына белсенді атсалысты. Сонымен қатар жасыл аймақтар мен гүлзарларды ретке келтірді.
«Алматы – біздің ортақ үйіміз» науқанының басты мақсаты – қалалық инфрақұрылымға ұқыпты қарау құндылығын қалыптастыру, халық арасында жоғары азаматтық жауапкершілік пен экологиялық мәдениетті тәрбиелеу, жеке экологиялық бастамаларды қолдау мен іске асыруға жағдай жасау.
Ақпарат көзі : https://www.gov.kz/memleket/entities/sci/press/news/details/962293?lang=kk
Жауап қалдыру Жауапты болдырмау