Жамбыл бөлімшелік көліктегі санитариялық-эпидемиологиялық бақылау басқармасында «Сыбайлас жемқорлыққа қарсы күрес» тақырыбында ашық-есік күні өткізілді.
Іс-шараға Тараз қаласының тұрғындары белсене қатысып, мемлекеттік органдардың жұмысы, сондай-ақ сыбайлас жемқорлыққа қарсы саясат туралы өз сұрақтарын қойып, кеңес алды.
Ашық есік күні барысында басқарма қызметкерлері қоғамды сыбайлас жемқорлықпен күресуге бағытталған мемлекеттік саясаттың маңыздылығы туралы ақпарат берді. Іс-шараның мақсаты – халықты сыбайлас жемқорлықтың алдын алу шараларымен таныстыру, сондай-ақ тұрғындардың өз пікірлерін тыңдап, оларды алаңдатқан мәселелерге жауап беру болды.
Қала тұрғындары өз кезегінде басқарманың жұмысына, әсіресе санитариялық-эпидемиологиялық бақылау саласында жасалып жатқан шараларға қызығушылық танытты. Сонымен қатар, мемлекеттік қызметтердің ашықтығын және тиімділігін арттыру бойынша ұсыныстар жасалды.
Бұл ашық есік күні басқарманың қоғаммен тиімді байланыс орнатуға және сыбайлас жемқорлыққа қарсы күреске деген сенімді арттыруға бағытталған маңызды қадам болды. Іс-шараның қорытындысы бойынша, халықтың заңды құқықтары мен мүдделерін қорғауда, сыбайлас жемқорлықпен күресуде бірлесіп жұмыс істеуге деген ынтымақтастықтың маңыздылығы атап өтілді.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/967125?lang=kk
Жауап қалдыру Жауапты болдырмау