31 наурызда аудандық мәслихаттың тұрақты комиссияларының бірлескен отырысы өтті. Шал ақын ауданының тұрғындарына медициналық қызмет көрсету сапасы және оларды жақсарту бойынша қабылданып жатқан шаралар туралы бірінші мәселе бойынша аудан депутаттары «Шал ақын ауданының орталық ауруханасы» ШЖҚ МКК директорының м.а. Н.Е.Әбуовты тыңдады. Баяндамашы өз ақпаратында бүгінгі күні тегін медициналық көмектің кепілдік берілген көлемі шеңберінде медициналық дәрі-дәрмектердің барлық қажетті көлемі алынғанын және 1-тоқсанда мұқтаж жандарға берілгенін атап өтті. Әрине, кадрлармен, оның ішінде олардың ауысуымен әлі де проблема бар. Бұл мәселемен ОАА әкімшілігі жұмыс істейді, жас мамандарды тарта отырып, бос орындар жәрмеңкелеріне қатысады. Аудан әкімдігімен бірлесіп медицина қызметкерлері үшін абаттандырылған тұрғын үй әзірленуде, сондай-ақ көтерме жәрдемақыларды арттыру туралы мәселе шешілуде. Халыққа медициналық қызмет көрсету сапасын жақсарту бойынша жұмыс жалғасатын болады.
Аудан халқына, оның ішінде халықтың әлеуметтік осал топтарына отын сату туралы мәселемен ағымдағы кезеңде «Сергеевка «Орман шаруашылығы» КММ директорының м.а. А.Н. Сәдуақасов сөз сөйледі. «СҚО әкімдігінің Табиғи ресурстар және табиғат пайдалануды реттеу басқармасы» КММ «халықтың әлеуметтік осал топтары» санатына жататын адамдардың өмір сүру сапасын жақсарту үшін оларды «Солтүстік Қазақстан облысы «Орман шаруашылығы» КММ отын сүрегімен қамтамасыз ету бойынша регламент әзірленді. Ауылдық округтердің әкімдері «халықтың әлеуметтік осал топтары» санатына жататын отбасылардың тізімін қалыптастырды. Оларды отынмен қамтамасыз ету бойынша жұмыс маусым және шілде айларында басталады, бұл туралы баспа басылымдары арқылы хабардар етіледі.
Баяндамашылардың сөздерінен кейін депутаттар жоғарыда аталған мәселелерді талқылауға белсенді қатысты. Отырыс барысында қаулылар қабылданып, тиісті ұсыныстар берілді.
Ақпарат көзі : https://www.gov.kz/memleket/entities/maslihat-shalakyn/press/news/details/966842?lang=kk
Жауап қалдыру Жауапты болдырмау