Бүгін Қосшы қаласы мәслихатының кезектен тыс қырық екінші сессиясы өтті. Күн тәртібінде 5 мәселе қаралды

Сессияда мәслихат төрағасы Әлихан Қуатбеков №3 сайлау округі бойынша депутат болып сайланған Дидар Кәкімжановты таныстырып, қызметіне сәттілік тіледі.

Сессияда қаралған мәселелердің қатарында «Қосшы қаласының мәслихатында «AMANAT» партиясының депутаттық фракциясын тіркеу туралы», «Қосшы қаласының мәслихатында «AMANAT» партиясының депутаттық фракциясын тіркеу туралы», “Қосшы қаласында әлеуметтік әріптестік және әлеуметтік-еңбек қатынастарды реттеу жөніндегі комиссия құру туралы”, «Қосшы қаласы әкімдігі жанындағы терроризмге қарсы комиссиясының құрамын бекіту туралы»шешіміне өзгерістер енгізу туралы», «Қосшы қаласының бюджеттік комиссиясы құрамын бекіту туралы» мәслихат шешімдеріне өзгерістер енгізу туралы мәселелер бар.

Сессияның күн тәртібінде көтерілген мәселелер бойынша бөлім басшылары мәлімет ұсынды. Жиын соңында депутаттардың толықтай дауыс беруімен сессияның шешімі қабылданды.