2025 жылғы 10 сәуірде Адам құқықтары жөніндегі уәкілдің Маңғыстау облысы бойынша өкілі Асылан Кужиев Ақтау гарнизонының әскери прокуратурасы ұйымдастырған азаптауларға, адамгершілікке жат және қадір-қасиетті қорлайтын әрекеттерге қарсы іс-қимыл мәселелері бойынша жиналысқа қатысты.
Кездесуге Маңғыстау облысы бойынша Ұлттық қауіпсіздік комитеті департаментінің, әскери-тергеу басқармасының және Ұлттық ұланның өкілдері қатысты. Кездесу барысында қамауда ұсталатын орындарда адам құқықтарының сақталуын қамтамасыз ету, ведомствоаралық өзара іс-қимылды күшейту және құқыққа қарсы әрекеттердің алдын алудың тиімділігін арттыру мәселелері талқыланды.
Сондай-ақ, кеңес барысында қатысушыларға Адам құқықтары жөніндегі уәкілдің қызметі, оның өкілеттіктері мен азаматтардың құқықтарын қорғаудағы рөлі туралы түсіндірме берілді. Уәкіл мекемесінің азаптаулардың алдын алудағы және адам құқықтарының бұзылуына жол бермеудегі маңыздылығы ерекше атап өтілді.
Ақпарат көзі : https://www.gov.kz/memleket/entities/ombudsman-mangystau-oblysy/press/news/details/974962?lang=kk
Жауап қалдыру Жауапты болдырмау