Алматы облысында Төтенше жағдайлар департаментінің психологтары мен Freedom Bank мамандарының қатысуымен «Қаржыны сауатты бөлу» тақырыбында дөңгелек үстел өтті. Іс-шара ZOOM конференциясы арқылы ұйымдастырылды.
Іс-шараның негізгі мақсаты – қатысушыларға өз жеке қаржыларын тиімді басқаруға, негізделген қаржылық шешімдер қабылдауға және қаржылық тұрақтылыққа қол жеткізуге мүмкіндік беретін білім мен дағдыларды дамыту.
Дөңгелек үстел барысында келесі тақырыптар қарастырылды: жеке қаржыны басқару дағдыларын дамыту, бюджет құруға, кіріс пен шығысты жоспарлауға үйрету, ұзақ мерзімді қаржылық тұрақтылықты қамтамасыз ететін шешімдер қабылдау қабілетін дамыту, жинақ пен инвестицияның маңыздылығын түсіну, жинақ және инвестиция құралдарымен танысу – депозиттер, акциялар, облигациялар және зейнетақы қорлары.
Аталған іс-шара қаржылық сауаттылықтың маңыздылығын көрсетеді. Қаржылық сауаттылық – бұл жеке және қоғамдық әл-ауқатқа ықпал ететін маңызды құрал. Ол тек қазіргі қаржылық қиындықтарды жеңуге көмектесіп қана қоймай, сонымен қатар сенімді әрі қауіпсіз болашақты құруға мүмкіндік береді, тұрақтылықты қамтамасыз етіп, тәуекелдерді азайтады. Қазіргі әлемде экономикалық жағдайлар үнемі өзгеріп отыратындықтан, ақша басқару бойынша білім мен дағдылар қаржылық табыс пен әл-ауқатқа қол жеткізудің негізгі факторы болып табылады.
Алматы облысының ТЖД
Ақпарат көзі : https://www.gov.kz/memleket/entities/emer-alm/press/news/details/971654?lang=kk
Жауап қалдыру Жауапты болдырмау