ҚР Үкіметі Аппаратының өңірлік инспекторы Талғат Сапарғалиев жұмыс сапарымен Нұра ауданында болып қайтты. Ол Байтуған ауылындағы «Байтуған» шаруа қожалығының көктемгі дала жұмыстарының барысымен және Көбетей ауылындағы «Черниговское и К» ЖШС мен «Рамадан МФ» ЖШС-нің сүт-тауарлы фермасының іске қосылуға дайындығымен танысты.
Сапар барысында Талғат Сапарғалиев аудан басшылығымен және серіктестіктердің жетекшілерімен кездесті. Ауыл шаруашылығын дамыту мәселелері талқыланып, сондай-ақ көктемгі дала жұмыстарының жүргізілу орындары мен сүт-тауарлы ферманың жабдықтары қаралды.
Еске салсақ, ағымдағы жылы ауданда 1100 басқа арналған сүт-тауарлы ферма іске қосылады. Кәсіпкерлер голштейн тұқымды сиырларды әкеледі. 60 жаңа жұмыс орнын ашу жоспарлануда.
Ақпарат көзі : https://www.gov.kz/memleket/entities/karaganda-nurinsk/press/news/details/978312?lang=kk
Жауап қалдыру Жауапты болдырмау