Құқық бұзушылық пен қылмыстылықты алдын алу, оқушылар арасында тиімді алдын алу жұмысын ұйымдастыру мақсатында және “Жасөспірім” республикалық жедел-алдын алу іс-шарасы аясында 2025 жылғы 17 сәуірі Шахтинск қаласының білім бөлімінің шақыруымен біздің қаламызға Қарағанды облысында бала құқықтары жөніндегі уәкіл Ирина Болеславовна Киселева келді.
📎Іс-шара «Бала құқықтары: қорғалу үшін білу» тақырыбында интерактивті және кейс-менеджмент элементтері бар пікірталас алаңы форматында өтті. «Балалардың құқықтарын кім қорғайды?» дәрісі оқылды, балалардың құқықтарын қорғау жөніндегі нормативтік-құқықтық құжаттар айтылды, Шахтинск қаласының полиция бөлімінің кәмелетке толмағандар істері жөніндегі инспекторы, полиция майоры А.В.Таукенованың қатысуымен түрлі ахуалдық кейстер қаралды, оларға балалар белсенді қатысып, сұрақтарға жауап берді.
📎Соңында «Мен – құқықтарды қорғаушымын» атты пайдалы интерактив өткізілді.
📎Кездесу №6 ЖББМ базасында өтіп, оған С.Сейфуллин атындағы мектеп-гимназиясы, Ш.Уәлиханов атындағы мектеп-гимназиясы және №6 ЖББМ оқушылары қатысты. Оқушылардың жалпы саны 126 адамды құрады.
Ақпарат көзі : https://www.gov.kz/memleket/entities/edu-shahtinsk/press/news/details/982304?lang=kk
Жауап қалдыру Жауапты болдырмау