Абайлаңыз-бруцеллез!

Бруцеллёз – бұл адамның сүйектері, бұлшықеттері, жүрегі, қан тамырлары, жүйке жүйесі, бүйректері зақымданатын созылмалы бактериялық инфекция. Жұқтыру көзі – жануарлар.

Жұқтыру қаупі бар жануарлар:

• ешкі мен қой;
• ірі қара мал;
• шошқалар.

Адам үшін ең қауіптісі – ұсақ мал, себебі олардан жұғатын бактериялардың токсиндері өте күшті.

Бруцеллалар қоршаған ортада ұзақ уақыт сақталады:

• топырақта – 6 айға дейін;
• сүт өнімдерінде – 2 айға дейін;
• етте – 20 тәулікке дейін;
• жұқтырылған сүттен жасалған ірімшікте – 3–4 айға дейін;
• мұздатылған немесе тұздалған етте – 1,5–2 айға дейін.

Қайнату кезінде қоздырғыштар бірден жойылады.

Бруцелла – адамның ағзасындағы жасушалардың ішінде өмір сүріп, көбейе алатын бактерия. Ол жерде иммундық жүйеге көрінбейді. Сондықтан организм бұл бактериямен күресе алмай, ауру созылмалы түрге өтеді.

Бруцеллёзбен жұқтыру жолдары:

• жұқтырылған сүт, сүт өнімдері немесе етті тағам ретінде тұтыну;
• жүн, көң, төсеніш, топырақтан көтерілген шаңды жұту;
• жануарлармен тікелей байланыста болу, етті бөлу кезінде қолда жара, сызаттар болса.

Бруцеллёз адам ағзасындағы түрлі жүйелерге әсер етеді:

• тірек-қимыл аппаратына;
• жүрек-қантамыр жүйесіне;
• тыныс алу жүйесіне;
• ас қорыту жүйесіне;
• зәр шығару-жыныс жүйесіне;
• жүйке жүйесіне;
• лимфа түйіндері мен көкбауырға.

Бруцеллёздің салдары мен қалдық белгілері:

Ауру кезінде иммундық жүйе өзгеріске ұшырайды – аллергиялық реакцияларға бейімділік артады. Сонымен қатар, ағзаның ішкі мүшелерін, қан тамырларын, тер бездерін реттейтін вегетативтік жүйке жүйесінің қызметі бұзылады.

Аурудан кейін ұзақ уақыт бойы мынадай қалдық құбылыстар сақталуы мүмкін:

• шамадан тыс терлеу;
• ашуланшақтық;
• көңіл күйдің күрт өзгеруі.

Буын аурулары – дене қимылы немесе ауа райы өзгерген кезде пайда болады. Буын маңындағы сүйек тінінің өсуі салдарынан буын деформацияланып, қозғалысы шектеледі. Қозғалыс мүлдем шектелсе, ота жасау қажет болуы мүмкін.

Бруцеллёз – әртүрлі белгілермен байқалатын ауру, сондықтан оны тек дәрігер қарап, бірден анықтау қиын. Ауруды нақтылау тек зертханалық анализдер арқылы мүмкін болады.

 

Бруцеллёздің алдын алу шаралары:

1. Ауыл шаруашылық жануарларын міндетті түрде вакцинациялау.
2. Мал басын жүйелі түрде бруцеллёзге тексеру.
3. Ауру мал анықталған жағдайда – оқшаулап, ветеринарлық бақылаумен сою.
4. Жануарларға күтім жасау кезінде жеке қорғану шараларын сақтау:
   • жұмысқа дейін және кейін қолды жуу;
   • жұмыс орнында тамақ ішпеу, шылым шекпеу;
   • арнайы жұмыс киімін (халат, қолғап, резеңке етік, алжапқыш, орамал) пайдалану;
   • малдың туу процесі кезінде міндетті түрде резеңке қолғап кию.
5. Өнімдерді тек рұқсат етілген сауда орындарынан (базарлар, дүкендер) сатып алу. Ет немесе сүт сатып алғанда сапа мен қауіпсіздікті растайтын құжаттарды талап ету.
6. Жеткілікті қайнатылмаған ет, шикі сүт, жетілмеген ірімшік пен брынзаны тұтынбау.

Есіңізде болсын!

Бруцеллёздің алдын алу – оны емдеуден әлдеқайда жеңіл.

                                      

 

Бас маман                                          Ысқақова Әлия

Ақпарат көзі : https://www.gov.kz/memleket/entities/kostanai-kamystin-audany-akimat/press/news/details/983900?lang=kk