«Денсаулық бұрышы»: жамбылдық дәрігерлер MART сауда үйінде 400-ге жуық азаматқа медициналық кеңес берді.
«Әлеуметтік медициналық сақтандыру қоры” КЕАҚ Жамбыл облысы бойынша филиалы Тараз қаласы әкімдігінің қолдауымен «Денсаулық бұрышы» акциясын ұйымдастырды.
Акция аясында №5 қалалық емхана мен Жамбыл облыстық офтальмологиялық орталық дәрігерлері 400-ге жуық қала тұрғындары мен қонақтарына медициналық консультациялық-диагностикалық қызмет көрсетті.
Жалпы тәжірибелік дәрігерлер тұрғындарға тегін кеңес беріп, алдағы уақытта ем-шара қабылдауларына бағыт-бағдар берді.
Шара барысында сондай-ақ Қор филиалының мамандары МӘМС жүйесінің маңыздылығы туралы халыққа түсіндірме жұмыстарын жүргізіп, сұрақтарға жауап берді.
Айта кетейік, Қор филиалы ұйымдастырған «Денсаулық бұрышы» акциясы алдағы уақытта қаладағы бірқатар сауда орталықтарында жалғасатын болады.
Ақпарат көзі : https://www.gov.kz/memleket/entities/zhambyl-taraz/press/news/details/984319?lang=kk
Жауап қалдыру Жауапты болдырмау