Ұлы Жеңіс күні қарсаңында Қостанай облысы бойынша сыбайлас жемқорлыққа қарсы іс-қимыл департаментінің қызметкерлері “Мирас” мәдениет сарайы және 6697 әскери бөлімінің әскери оркестрімен бірлесіп, Ұлы Отан соғысының ардагерлерін арнайы барып құттықтады.
Кездесу барысында қатысушылар ардагерлерге көрсеткен ерліктері, жанқиярлық еңбектері және Жеңіс үшін қосқан өлшеусіз үлестері үшін шынайы алғыстарын білдірді. Ардагерлерге арналған ерекше құрмет белгісі ретінде әскери оркестр майдан әндерін орындап, шараға жылылық пен алғыс сезімін сыйлады.
Бұл іс-шара бейбіт өмірдің бағасын ұғындырып, ұрпақтар сабақтастығының маңыздылығын тағы бір мәрте еске салды.
#ЗАҢменТӘРТІП #ЗАКОНиПОРЯДОК
Ақпарат көзі : https://www.gov.kz/memleket/entities/anticorruption-kostanay/press/news/details/985167?lang=kk
Жауап қалдыру Жауапты болдырмау