КЕЗЕКТІ АППАРАТ МӘЖІЛІСІ ӨТТІ

Күн тәртібіне төмендегі мәселелер қарауға енгізілді.

Ауданның әлеуметтік экономикалық даму көрсеткіштерінің, осы бағыттағы жұмыстардың орындалуының І тоқсандағы қорытындысы және коммуналдық меншіктегі нысандарды тиімді пайдалану барысы бойынша Экономика және қаржы бөлімінің басшысы Алтынай Сихымбаева баяндады.

Бөлім басшысының баяндамасында өнеркәсіп, ауылшаруашылығы, инвестиция, сауда, құрылыс жұмыстарының тоқсандық көрсеткіштері көрсетіліп, оның ішінде инвестиция саласындағы жоспар ғана үдеден шықпай тұрғаны айтылды. Бұдан бөлек аудандағы мемлекеттік меншік нысандары, мемлекеттік мүліктерді жалға беру, аудандағы мемлекет теңгеріміндегі автокөліктер бойынша мәлімдеп, мемлекеттік меншік нысандарын мақсатты пайдалану жөніндегі ұсыныстарын жеткізді.

Мәдениет, тілдерді дамыту, спорт және денешынықтыру бөлімі басшысының міндетін атқарушы Назира Мусаева қазірге дейінгі Ономастика комиссиясының атқарған жұмыстарының барысын, аудан көлеміндегі көше аншлагтары, аймақтағы тарихи-мәдени нысандар, маңдайшалық жарнама және көрнекті ақпараттар, көше атауларының берілуі жөніндегі сараланған мәліметтер мен атқарылған шаралардың, межелі жоспарлардың мән-жайын мәлімдеді. Өз тарапынан осы мәселелер жөніндегі тиісті ұсыныстарын айтып өтті.

Шегірткеге қарсы залалсыздандыру жұмыстары туралы жауапты бөлім қызметкері мен ауыл округтерінің әкімдері хабарлады.

Аудан аумағындағы зиянкес шегірткеге қарсы жүргізіліп жатқан залалсыздандыру жұмыстарының тиімділігі, бүгінгі күнгі көтсеткіші, алдағы жоспары талданып, жауаптыларға бұл шаралардың уақытында және сапалы орындалуын қадағалау тапсырылды.

Сонымен қатар күн тәртібінен түспейтін қоғамдық-саяси ахуал, «Таза Қазақстан» акциясы, абоненттерді табиғи газ бен ауыз су жүйесіне қосу, азаматтарды әскеге шақыру, көктемгі дала жұмыстары жөнінде кеңінінен талқыланып тиісті сала басшыларына тапсырмалар берілді.

Мәжіліс барысында аудан басшысы барлық бағыттар бойынша жауапты тұлғалардың баяндамаларын тыңдап, орындалуы кешіктірілген тапсырмаларға күрделілігі мен маңызына қарай нақты мерзімдер белгіледі. Аудандағы пайдалану шегінен артық мемлекет меншігіндегі нысандарды тұрғындардың мұқтаждығын шешу мақсатында пайдалану турасындағы өз ұсынысын жеткізіді. Ауданның дамуына, міндеттердің тиісті уақыт ағымында орындалуына бағытталған жұмыстардың жіті бақылауда болатынын атап өтті.