Психикалық-дене бұзылыстары бар балалар оқитын және тұратын мектеп-интернаттардың басшылығымен кездесу

Жарияланды:

30/04/2025 19:40

—

Автор:

“Кемтар балаларды әлеуметтiк және медициналық-педагогикалық түзеу арқылы қолдау туралы” заң дамуында кемiстiгi бар балаларға көмек көрсетудiң тиiмдi жүйесiн жасауға, оларды тәрбиелеу, оқыту, еңбекке және кәсiби даярлау iсiмен байланысты проблемаларды шешуге, балалар мүгедектiгiнiң алдын алуға бағытталған.

Білім басқармасымен, Ұлттық алдын алу тетігінің қатысушыларымен, Бала құқықтары жөніндегі уәкілдің өңірлік өкілімен өзара іс – қимыл аясында, психикалық-дене бұзылыстары бар балалар оқитын және тұратын мектеп-интернаттардың басшылығымен кездесу өткіздік.

Ерекше білім беру қажеттіліктері бар балалардың дамуы мен әлеуметтенуі үшін жағдай жасау жайлы және қолжетімді ортада білім алу мәселелерін қарастырдық. Алдын алу сапарларының қорытындысы бойынша ұсынымдардың орындалуын талқыладық.

ҰАТ тобының жетекшісі қатысушылардың құқықтары мен міндеттері туралы ақпарат беріп, 2019 жылдың сәуір айынан бастап кәмелетке толмаған балалар орналасқан жабық үлгідегі мекемелерге бару құзыретінің кеңейтілгенін атап өтті.

Естеріңізге сала кетейік, психологиялық -педагогикалық қолдаудыарнайы білім беру ұйымдары көрсетеді, оның ішінде 7 мектеп-интернат: Чкалов, Соколов және Шоптыкөл арнайы мектеп-интернаттары, даму мүмкіндігі шектеулі балаларға арналған арнайы (түзету) Ломоносовка а., Петропавл қ. №1, №2 мектеп-интернаттары және “Балабақша-мектеп-интернат” арнайы кешені.