Облыстық «Тілдарын» байқауының жеңімпазы анықталды.

Қарағанды облысының тілдерді дамыту жөніндегі басқармасы қазақ, орыс және ағылшын тілдерін жетік меңгерген жастарды қолдау, ынталандыру, бәсекеге қабілетті жастарды тәрбиелеу мақсатында 2025 жылғы 18 сәуірде облыстық «Тілдарын» байқауын өткізді.

Байқауға өңірлерден, білім беру мекемелерінен және жоғары оқу орындарынан 15-30 жас аралығындағы жастар қатысты.

Байқауға келген қатысушылардың білімдерін бағалаған Е.Бөкетов атындағы Қарағанды зерттеу университетінің доценті, «Құрмет» орденінің иегері, комиссия төрағасы Қағазбаев Жаңбырбай Ахметұлы, ардагер журналист, облыс әкімінің «Тіл жанашыры» сыйлығының иегері Батырханова Сағат Сыдыққызы, «Ortalyq Qazaqstan» газетінің жауапты хатшысы Шалқар Жәлел Қуандықұлы, «Білім беру ісінің құрметті қызметкері», «Еңбек ардагері» және «Т. Айбергеновке 80 жыл» медалінің иегері, ардагер ұстаз Иманғалина Шамшипану Мажкенқызы, Е.Бөкетов атындағы Қарағанды зерттеу университетінің доценті, филология ғылымдарының кандидаты Жұмабеков Мейрам Кеңесұлы комиссия мүшелері байқауға қатысушы жастардың қазақ елінің ұлы тұлғалары, берілген мақал-мәтелдердің мағынасын ашу, еліміздің қасиетті, киелі жерлері туралы сұрақтарға үш тілде сауатты сөйлеу қабілеттерін бағалады.

Қазылар алқасының шешіміне сәйкес келесі қатысушылар жүлдегер атанды:

орын – Ә.Молдағұлова атындағы облыстық мамандандырылған олимпиадалық мектеп-интернат-колледжінің тарих пәнінің мұғалімі Садвокасов Шахкарім;

орын – Балқаш қаласы Әлімхан Ермеков атындағы мектеп – лицейінің әлеуметтік педагогы – Рахмедиев Ильяс ;

орын – Теміртау көпсалалы «Мирас» колледжінің 4 курс студенті – Өмірбаева Назиля;

Сонымен қатар, ынталандыру сыйлықтарына Шахтинск қаласы Әлихан Бөкейханов атындағы мектеп–лицейінің 11 сынып оқушысы Аманбаева Гүлжана, Қарағанды кәсіптік-техникалық колледжінің 1 курс студенті Амангелді Айнұр, Қарағанды «Bolashaq» жоғарғы колледжінің студенті Асылхан Жантөре, Айдынқызы Ақниет көрермендер көзайымы номинациясына лайық деп танылды. Жүлдегерлер дипломмен, ақшалай сыйлықтармен, қатысушылар алғыс хаттармен марапатталды.

Жалпы, «Тілдарын» байқауы 2012 жылдан бері дәстүрлі түрде өткізіліп келеді.