2025 жылғы 6 мамыр күні Ақсу ауданы, Қызылағаш ауылдық кітапханасында 7 мамыр – Отан қорғаушылар күніне орай «Елін қорғау – ерге серт» атты ерлік сағаты ұйымдастырылды.
Шара барысында Жансүгіров атындағы орта мектептің 9-сынып оқушылары «Майданнан келген хат» атты әсерлі көрініс қойып, көрерменге соғыс жылдарындағы сарбаздардың жүрекжарды хаттары арқылы елге деген сағынышын, ерлік пен батырлықты жеткізе білді.
Сондай-ақ, кітапханашылар 9 мамыр – Жеңіс күніне орай, Ұлы Отан соғысының 80 жылдығына арналған «Ерліктің өшпес даңқы» атты кітап көрмесіне библиографиялық шолу жасап, оқырмандарды тарихи әдебиеттермен таныстырды.
Іс-шараға кітапхананың тұрақты оқырмандары мен жергілікті мемлекеттік мекеме қызметкерлері қатысты. Шара соңында қатысушылар назарына шағын интеллектуалды ойын мен концерттік бағдарлама ұсынылды.
Мұндай тағылымды іс-шаралар жастардың отансүйгіштік рухын арттырып, батырлар ерлігін мәңгі есте сақтауға ықпал етеді.
Ақпарат көзі : https://www.gov.kz/memleket/entities/zhetysu-aksu/press/news/details/990115?lang=kk
Жауап қалдыру Жауапты болдырмау