Әділет министрлігі атқарушылық іс жүргізу бойынша цифрландыруды жалғастыруда. Осыған орай атқарушылық іс жүргізу саласындағы ашықтық пен жауапкершілікті арттыруға бағытталған «Атқарушылық іс жүргізуге қатысушылар кабинетінде» жаңа «Цифрлық көмекші» модулін құру бойынша жұмыс жүргізілуде.
Бұл модуль азаматтардың құқықтарын қамтамасыз етуге және мәжбүрлеп орындату институтына деген сенімдерін нығайтуға, сондай-ақ уәкілетті органның атқарушылық құжаттарды орындаудың толықтығы мен сапасын бақылау мүмкіндіктерін кеңейту үшін әзірленетін болады.
«Цифрлық көмекші» әрбір атқарушылық іс жүргізуде оның санатын, қарыз сомасын және басқа да параметрлерді ескере отырып, жеке іс-қимыл жоспарын автоматты түрде жасайды. Жағдайлар өзгерген кезде модуль жоспарды тез арада түзетіп, орындалу барысын бақылайды және нақты нәтижелерді тіркейді.
Сондай-ақ, модуль азаматтарға арналған AIS OIP мобильді қосымшасымен біріктірілетін болады.
Пайдаланушыларға ыңғайлы болу үшін атқарушылық өндірістің кезеңдері хронометраж форматында бейнеленген. Пайдаланушылар нақты уақыт режимінде жоспарды және орындалу барысын бақылай алады. Сондай-ақ сот орындаушысының әрекеттері туралы ақпарат алып, қажет болған жағдайда сұраныстар мен шағымдарды ыңғайлы электронды арна арқылы жібере алады.
Сот орындаушылары алдағы болатын немесе мерзімі өткен әрекеттер туралы автоматты түрде хабарлама алатын болады. Бұл кідірістерді болдырмауға және орындау процесін оңтайландыруға көмектеседі.
«Цифрлық көмекші» көмегімен Әділет министрлігі сот орындаушыларының іс-әрекеттерінің толық әрі уақтылы орындалуын, және іс жүргізуді жоспарлау мен орындау бойынша талдамалық деректерге қол жеткізуді бақылаудың тиімді құралы бола алады.
“Цифрлық көмекші” модулін енгізу Мәжбүрлеп орындату саласын цифрлық түрлендіруге және халықтың сенімін нығайтуға тағы бір қадам болмақ.
Ақпарат көзі : https://www.gov.kz/memleket/entities/adilet/press/news/details/994538?lang=kk
Жауап қалдыру Жауапты болдырмау