Өскелең ұрпақтың қауіпсіздік мәдениетін қалыптастыру мақсатында 2024 жылғы 14 мамырда Еңбекшіқазақ ауданының төтенше жағдайлар бөлімі Есік қаласындағы «Шапағат» балабақшасында интерактивті ойын түрінде өрт қауіпсіздігі бойынша оқыту сабағын өткізді.
Іс-шара барысында балаларға өрт қауіпсіздігінің негізгі ережелері қарапайым әрі қызықты түрде түсіндірілді: өрт шыққан жағдайда не істеу керек, өрт сөндіру қызметіне қалай қоңырау шалу қажет, неге сіріңке мен ашық отпен ойнауға болмайды.
Практикалық дағдыларға ерекше назар аударылды: балалар дабыл даусын тыңдап, оқу эвакуациясына қатысты, сондай-ақ викториналық сұрақтарға жауап беріп, алған білімдерін бекітті. Сабақ толықтай ойын түрінде ұйымдастырылғандықтан, бүлдіршіндер ақпаратты жеңіл әрі қызығушылықпен қабылдады.
Мұндай іс-шаралар жеке және қоғамдық қауіпсіздікке жауапкершілікпен қарауды балалық шақтан бастап қалыптастыруға бағытталған.
Ақпарат көзі : https://www.gov.kz/memleket/entities/emer-alm/press/news/details/995393?lang=kk
Жауап қалдыру Жауапты болдырмау