Павлодарда оқушылар арасында туристік көпсайыс өтті

Павлодар қаласы білім беру бөлімінің экология және туризм орталығының базасында 11 – 15 жас аралығындағы 75-тен астам оқушылары бар Павлодар, Екібастұз қалалары командаларының қатысуымен туристік көпсайыстан облыстық чемпионат өтті. Мақсаты – дене тәрбиесі, салауатты өмір салтын қалыптастыру, туризммен айналысатын балаларды қолдау.

Төрешілер тобында орталықтың педагогтері Сергей Агалаков, Ирина Ридзаускене, Владислав Ридзаускас болды.

Биылғы жылы қашықтықтар жаңартылған туристік және жаттығу жолына бөлінді. Жарыста қатысушылар «Байлам», «Жеке» қашықтықтар бойынша туристік жағдайларда спорттық дағдыларды көрсетті.

• Бәсекелестік жақсы дайындалған командалар арасында болды. Мұнда ұзақ өткелдер пайда болғанына қуаныштымын, қашықтықтар қызықты және қарапайым емес. Біздің команда «Жасөспірімдер» тобында жеңіске жетті, нәтижеге ризамыз, – дейді «СЮТур» балалар аула клубының «Павлодар» құрамасының мүшесі Булатова Азиза.

Екінші жыл қатарынан «СЮТур» клубының тәрбиеленушісі, облыстық, республикалық деңгейдегі жарыстардың бірнеше дүркін жеңімпазы Сидоренко Михаил қашықтықты қоюшы және бастығы болып табылады.

– Маған қашықтықты қоюшы болу өте ұнайды. Жаңа туристік-жаттығу жолының пайдалануға берілуіне байланысты қызықты идеяларды іске асыру мүмкін болды. Сонымен қатар, мұнда өрмелеу алаңы бар, – дейді Михаил.

Чемпионат қорытындысы бойынша «Искра» туристік клубтарының қоржынында І орын – 13, ІІ орын – 3, ІІІ орын – 23, «Эльбрус» – ІІІ орын – 5, «Павлодар» – І орын – 28, ІІ орын – 14, ІІІ орын – 9. Жеңімпаздар мен жүлдегерлер облыстың дене шынықтыру және спорт басқармасының медальдарымен және грамоталарымен, команда басшылары грамоталармен марапатталды.

– Біздің аға тәрбиеленушілеріміз бен түлектеріміз төреші болуға көмектесетіні қуантады, бұл олардың кәсіби өсуіне мүмкіндік береді. Ауа-райы керемет болды, қашықтық өте қызықты болды. Мұндай чемпионаттар жас туризм әуесқойлары үшін міндетті болып табылады. Мұнда олар өз дағдыларын көрсете алады, бәсекелестік бар. Қатысушылардың ішінен республикалық және халықаралық ареналарда өңірдің намысын қорғайтын облыс құрамасына іріктеу жүргізілуде, – дейді жарыстың бас төрешісі Сергей Агалаков.

Ақпарат көзі : https://www.gov.kz/memleket/entities/pavlodar-bilim/press/news/details/995801?lang=kk