ХАБАРЛАНДЫРУ «ҮЛГІЛІ АУЫЛ» КОНКУРСЫНА ҚАТЫСУҒА ШАҚЫРУ

Алматы облысының тұрғындары мен ауылдық округ әкімдіктерінің назарына!

Қазақстан Республикасы Үкіметінің қаулысымен және Алматы облысы мәслихатының шешімімен бекітілген «Таза Қазақстан» экологиялық мәдениетін дамытудың 2024-2029 жылдарға арналған тұжырымдамасын іске асыру шеңберінде Алматы облысының ауылдық елді мекендері арасында жыл сайынғы «Үлгілі ауыл» конкурсы өткізіледі.

Конкурстың мақсаты – ауылдық аумақтарды дамытуға ынталандыру, экологиялық мәдениетті арттыру және азаматтық белсенділікті қолдау.
Міндеттері – ауылдың экологиялық жай-күйін жақсарту, көгалдандыру және абаттандыру жұмыстарын күшейту, салауатты өмір салтын насихаттау және жастар мен кәсіпкерлер арасында әлеуметтік жауапкершілікті арттыру.

Конкурс екі кезеңде өтеді:

• I кезең – аудандық (1 маусым – 10 тамыз аралығы). Аудандық комиссиялар жеңімпаздарды анықтап, оларды облыстық кезеңге ұсынады.
• II кезең – облыстық (1 қыркүйек – 15 қараша аралығы). Бұл кезеңде облыс көлеміндегі үш үздік ауыл анықталады.

Бағалау критерийлері:

• Көгалдандыру және абаттандыру жұмыстары;
• Экологиялық жағдай;
• Республикалық және жергілікті экологиялық акцияларға қатысу;
• Ауылдық туризмді дамыту және инвестиция тарту;
• Инфрақұрылымның дамуы және тұрғындардың белсенділігі.

Жеңімпаздарды марапаттау:

Конкурс жеңімпаздарына арнайы сыйлықтар, соның ішінде абаттандыру техникасы табысталады.
Салтанатты марапаттау рәсімі 2025 жылғы қараша айында өтеді.

Конкурсқа қатысу – бұл өз ауылыңызды көркейтуге және өңірдің тұрақты дамуына үлес қосу мүмкіндігі!

Қосымша ақпаратты аудан әкімдіктерінің тұрғын үй-коммуналдық шаруашылық бөлімдерінен алуға болады.

Ақпарат көзі : https://www.gov.kz/memleket/entities/almobl-enbekshikazah/press/news/details/998464?lang=kk