2025 жылғы 14 мамырдан бастап Алматы облысы аумағында шегіртке зиянкестеріне қарсы қорғау шаралары жүргізілуде. Бұл шаралар бекітілген жоспарға сәйкес, авиациялық, жерүсті техникасы мен дрондарды тарта отырып жүзеге асырылуда.
Бүгінгі күнге дейін 330 мың гектардан астам аумақта мониторинг жүргізіліп, 27 мың гектардан аса жерге химиялық өңдеу жасалды.
Жұмыстарды салалық ведомстволар мен мердігер ұйымдар үйлестіріп отыр.
Алматы облысының әкімі Марат Сұлтанғазиев Шеңгелді ауылдық округінде көшпелі кеңес өткізіп, науқан барысымен жеке танысты.
Мердігер ұйымдардың өкілдері мен ауыл шаруашылығы саласының мамандарына ведомствоаралық өзара іс-қимылды күшейту, химиялық қорғаныс құралдарымен үздіксіз қамтамасыз ету, зиянкестердің жаңа ошақтары анықталған жағдайда жедел әрекет ету тапсырылды.
Ақпарат көзі : https://www.gov.kz/memleket/entities/moa/press/news/details/1009953?lang=kk
Жауап қалдыру Жауапты болдырмау