Қоғамдық кеңістікті абаттандыру: Ақтөбе қаласының Орталық саябағын қайта жаңғырту жұмыстары басталды

Орталық саябақ — Ақтөбе тұрғындары мен қонақтары үшін ең сүйікті демалыс және серуендеу орындарының бірі. Жыл бойы қызмет ететін көрікті мекеннің көркіне қатысты соңғы жылдары тұрғындар көп сын айтып жүр. Осыған байланысты нысанды қайта жаңғырту туралы шешім қабылданды және конкурс жарияланды, оның қорытындысы бойынша саябақ аумағы 10 жылға «Prime Park Investing» ЖШС жеке инвестициялық компаниясына сенімгерлік басқаруға берілді.

Компания директоры Абзал Сағатов саябақты кезең-кезеңімен қайта құру туралы болжам жасады. Оның айтуынша, дайындық жұмыстары басталды. Жаз – нағыз халықтың көп келетін кезі, сондықтан саябақты толық жабу жоспарда жоқ. Жөндеу кезең-кезеңімен, келушілер үшін қолайсыздық тудырмастан жүргізіледі.

«Адам саябаққа демалу үшін, күйзелістен арылып, күш-қуатын қалпына келтіру үшін келеді. Біздің міндетіміз – оны барынша ыңғайлы және барлығына қолжетімді демалыс аймағына айналдыру», – деп атап өтті Сағатов.

Жоспарда:
Рекреациялық және серуендеу аймақтарын, көлеңкелі шатырлар мен қолшатырларды, жаңа балалар аттракциондарын құру.
Ағылшын және жапон бақтарын ұйымдастыру.
Басты сахнаны қайта құру: негізгі дизайн сақталады, жарықтандыру және заманауи техникалық жабдықтар қосылады. Демалыс күндері мұнда шығармашылық ұжымдардың кешкі қойылымдары өтеді.
Санитарлық нормаларға сәйкес келетін бірыңғай стильде 8 сауда модулін орнату.
Көлік тұрақтарын кеңейту, оның ішінде Ғ.Жұбанова көшесі ауданында.
Бейнебақылау орнату, 4 тегін дәретхана бөлмесі.
Қолданыстағы аттракциондарды сақтау және дамыту, Гуанчжоудағы қытайлық серіктестермен жаңа аттракциондар жобасын әзірлеу.
Орындықтар мен сәндік элементтері бар көлеңкелі аймақтар жасау.

Қайта жаңғыртудың маңызды бөлігі – жасыл желекпен жұмыс істеу. Қ. Жұбанов атындағы АӨУ экология және ландшафт дизайны кафедрасының оқытушыларымен бірлесіп саябақтың дендрологиялық жоспары жасалды. Онда ағаштар мен бұталардың жағдайы туралы толық ақпарат бар, сау және ауыстыруды қажет ететін өсімдіктер анықталған. Бұрын ағаштар әр жерге, ретсіз егілген, енді көшеттер ғылыми ұсыныстарға сай ретпен отырғызылады. ЖОО студенттері жекелеген учаскелерде — мысалы, «Қазхром» ТҰК кеңсесінің ауданында топырақ пен қолайлы жағдайларды талдауды бастады. Талдау нәтижелеріне сүйене отырып, бұл аймақ қандай ағаш түрлері үшін қолайлы екені нақты анықталады. Сонымен қатар, осы ЖОО студенттерін саябақ аумағында жазғы практикаға тарту жоспарлануда.

Ақтөбедегі орталық саябақты қайта жаңғырту – бұл жай ғана абаттандыру емес, жайлылық, экологиялық тазалық пен эстетикалық әртүрлілікті біріктіретін заманауи қалалық экожүйені құру.

Ақпарат көзі : https://www.gov.kz/memleket/entities/aktobe-ekonomika/press/news/details/1009752?lang=kk