Осы жаздың басты оқиғасы 20-21 маусымда Ақшағыл көркем ауданында өтетін жыл сайынғы “Балқаш Tourfest – 2025” туристік фестивалі болмақ.
Фестиваль аясында кәсіпкерлік және Visit Karaganda басқармасы республикалық және өңірлік бұқаралық ақпарат құралдары өкілдерінің, сондай-ақ танымал трэвел-блогерлер мен туроператорлардың қатысуымен екі күндік инфотур ұйымдастырады.
Ақпараттық турдың мақсаты-өңірдің туристік әлеуетін ілгерілету және фестивальдің танымалдылығын арттыру. Инфотурға қатысушыларды Қазақстандағы алғашқы «QAZ ELI» онлайн брондау жүйесімен таныстырады. Ол бүкіл ел бойынша туристік қызметтерді жеңілдету мақсатында құрылған. Бұл платформа арқылы туристер қонақүйлерге, пәтерлерге, демалыс орындарына, пансионаттарға, экскурсияларға және көлік қызметтеріне тапсырыс бере алады. Өңірдің туристік әлеуеті де ұсынылады.
Бағдарлама аясында Balkhash Tour Fest фестивалінің аумағына, Бектауаттың көркем ауданындағы этноауылға, сондай-ақ Балқаш аймағының мәдени және табиғи мұрасымен танысуға болатын негізгі туристік нысандарға бару жоспарланған.
Ақпарат көзі : https://www.gov.kz/memleket/entities/karaganda-kasipkerlik/press/news/details/1010863?lang=kk
Жауап қалдыру Жауапты болдырмау