Еңбекті қорғау және өндірістегі әйелдердің қауіпсіздігі

Қазақстан Республикасында өндірістегі әйелдердің еңбегін қорғау қауіпсіз және салауатты еңбек жағдайларын қамтамасыз етуге, сондай-ақ олардың құқықтары мен мүдделерін қорғауға бағытталған бірқатар заңнамалық актілермен реттеледі. Санитарлық-эпидемиологиялық салауаттылық саласында өндірістегі әйелдердің еңбегін қорғау бірқатар санитарлық ережелермен реттеледі.

Қазақстан Республикасы Денсаулық сақтау министрінің 2021 жылғы 3 тамыздағы № ҚР ДСМ-72 бұйрығымен бекітілген «Өндірістік мақсаттағы ғимараттар мен құрылыстарға қойылатын санитариялық-эпидемиологиялық талаптар» санитариялық қағидаларына сәйкес мынадай талаптар регламенттеледі:

• Өндірістік объектілерде әйелдердің жеке гигиена бөлмелері көзделеді,яғни бұл кабиналар 100 жұмысшыға 1 кабина есебінен, шаңдылығы жоғары объектілер үшін – 50 әйелге 1 кабина және тамбур. Тамбурда ыстық және суық су араластырғышы бар раковинаны, қызмет көрсетуші персоналға арналған үстелді, қолға арналған электр кептіргішті, сабын ыдысын орнату көзделеді.
• Жеке кабиналар ыстық және суық су араластырғышы бар гигиеналық душпен және дәретханамен, пайдаланылған гигиеналық пакеттерге арналған қақпағы бар резервуармен және киімге арналған ілгішпен жабдықталады.
• Әйелдердің жеке гигиена бөлмесіне арналған үй-жайдың қабырғалары және жеке кабиналар арасындағы қалқалар оларды жеңіл тазалауға, жуу және дезинфекциялау құралдарын қолдана отырып жууға мүмкіндік беретін материалдардан көзделеді.
• Әйелдердің жеке гигиенасы бөлмесіне арналған үй-жайлардан жұмыс орындарына дейінгі арақашықтық 150 м аспайды, әйелдердің жеке гигиенасы бөлмелерін дәретханалармен біріктіруге жол берілмейді.
• Бала туу жасындағы 500 және одан жоғары жұмыс істейтін әйелдер саны бар объектілерде өндірістік (цех, учаске) және қосалқы (демалыс бөлмелері, жеке гигиена бөлмелері, дәретхана) мақсаттағы үй-жайларды қамтитын оқшауланған үй-жайларда орналастырылатын жүктілік кезеңінде әйелдердің еңбегі мен демалысын ұтымды ұйымдастыруға арналған мамандандырылған емдеу-сауықтыру кешендері көзделуге тиіс. Осы мамандандырылған кешендерді табиғи жарықсыз және табиғи ауа алмасусыз ғимараттарда, жертөлелерде, жертөлелерде және 2-қабаттан жоғары (лифтсіз) орналастыруға жол берілмейді.
• Жұмыс істейтін әйелдердің тізімдік саны кемінде 1200 адам болған кезде объектіде гинеколог кабинеті көзделеді.

Қазақстан Республикасы Денсаулық сақтау министрінің 2021 жылғы 28 сәуірдегі № ҚР ДСМ-36 бұйрығымен бекітілген «Тамақ өнімдерін өндіру жөніндегі объектілерге қойылатын санитариялық-эпидемиологиялық талаптар» санитариялық қағидаларына сәйкес тамақ өнімдерін өндіру жөніндегі объектілерде әйелдің жеке гигиенасына арналған бөлме және гигиеналық душы бар арнайы кабина жұмыс істейтін әйелдер саны 15 және одан көп болған кезде көзделеді.

Сондай-ақ, «Халық денсаулығы және денсаулық сақтау жүйесі туралы» ҚР Кодексімен, сондай-ақ Халықтың санитарлық-эпидемиологиялық саламаттылығы саласындағы заңға тәуелді нормативтік құқықтық актілермен кәсіпорындарда аурулардың, оның ішінде кәсіптік, улану, жазатайым оқиғалардың таралуын анықтауға және алдын алуға, сондай-ақ еңбек қауіпсіздігі мен қызметкерлердің денсаулығын қорғауды қамтамасыз етуге бағытталған уақтылы медициналық тексеруді қамтамасыз ету мақсатында медициналық тексерулер жүргізу регламенттеледі.

Ақпарат көзі : https://www.gov.kz/memleket/entities/departament-kkbtu-pavlodar/press/news/details/1008085?lang=kk