Солтүстік Қазақстан облысында семинар өтті

2025 жылғы 27 мамырда СҚО санитариялық-эпидемиологиялық бақылау департаменті басшысының орынбасары – Әдеп жөніндегі уәкіл С.М. Барменбаевтың төрағалығымен департамент пен аумақтық басқармалар мамандарына арналған семинар өтті.

Кездесу барысында мемлекеттік қызметшілерді деструктивті діни ағымдарға тартудың алдын алу, сондай-ақ сыбайлас жемқорлыққа қарсы шектеулерді бұзудың профилактикасы мәселелері қаралды.

СҚО Дін істері басқармасының Діндер арасындағы қарым-қатынасты талдау және дамыту орталығының сарапшы-талдаушысы Е.О. Березина баяндама жасап, мемлекеттік қызметшілердің деструктивті діни ұйымдарға тартылуына жол бермеу шараларын түсіндірді.

С.М. Барменбаев мемлекеттік қызметшілер арасындағы лудомания қаупіне тоқталып, құмар ойындарға, оның ішінде онлайн-платформаларда ойнауға қатысты сыбайлас жемқорлыққа қарсы шектеулерді еске салды.

Кездесу соңында қатысушылар пікір алмасып, өздерін қызықтырған сұрақтарға жауап алды.