Халықаралық балаларды қорғау күніне орай мүгедектігі бар балаларға арналған мерекелік шара
Алматы қаласы Жұмыспен қамту және әлеуметтік бағдарламалар басқармасы Халықаралық балаларды қорғау күніне орай мүгедектігі бар балалар мен олардың ата-аналарына арналған мерекелік іс-шара ұйымдастырды.
Бұл күн жыл сайын қоғамға әрбір баланың құқықтарын сақтау мен қорғаудың, олардың толыққанды дамуына және бақытты балалық шағына жағдай жасаудың маңыздылығын еске салады.
Іс-шара «Parasat» банкет залында өтті. Балаларға арналған мерекелік бағдарлама әзірленді, оған салтанатты түскі ас, концерттік қойылымдар, аниматорлар қатысқан қызықты нөмірлер мен жануарлар шоуы енді. Іс-шара соңында балаларға естелік сыйлықтар табыс етілді.
Іс-шараның басты мақсаты – мүгедектігі бар балалар мен олардың ата-аналарын қолдау, оларға деген қамқорлық пен назардың маңыздылығын атап өту, сондай-ақ инклюзивті қоғамның дамуына өз үлесін қосу.
Ақпарат көзі : https://www.gov.kz/memleket/entities/almaty-uzsp/press/news/details/1014393?lang=kk
Жауап қалдыру Жауапты болдырмау