Жарқайың ауданының прокуратурасы азаматтардың сот төрелігін жүзеге асыруға қатысуының, әсіресе алқабилер институты аясында қатысуының маңыздылығына ерекше назар аударады.
Алқабилер соты – бұл азаматтардың қылмыстық істерді қарауға тікелей қатысуына мүмкіндік беретін демократиялық сот жүйесінің маңызды тетігі. Бұл әділ, ашық және заңға негізделген сот төрелігін қамтамасыз етуге ықпал етеді.
Алқабилер – бұл заңгерлік білімі жоқ, қарапайым азаматтар. Олар кәсіби тараптармен қатар сот процесіне қатысып, ұсынылған дәлелдерге баға береді және айыпталушының кінәлі немесе кінәсіз екені туралы үкім шығарады. Бұл шешім алқабилердің ар-ожданы мен ішкі сеніміне сүйене отырып қабылданады.
Алқабилердің қатысуы азаматтардың құқықтық сана-сезімін арттырып, қоғамдағы әділдікке деген сенімді нығайтады. Сондай-ақ бұл сот жүйесінің ашықтығын қамтамасыз етіп, қабылданатын шешімдердің әділеттілігін арттырады.
Алқаби болу – бұл азаматтық борыш қана емес, сонымен қатар зор құрмет. Бұл әділдікті қамтамасыз етуге және адамдардың құқықтары мен бостандықтарын қорғауға бағытталған маңызды азаматтық үлес.
Қазақстанда алқабилерді іріктеу тәртібі заңмен реттеледі және әділеттілікті қамтамасыз етуге бағытталған. Үміткерлердің жасы, азаматтығы, әрекет қабілеттілігі және іске мүдделі болмауы ескеріледі.
Жарқайың ауданының прокуратурасы азаматтарды алқабилер ретінде сот отырыстарына белсенді қатысуға шақырады. Бұл саналы азаматтық ұстанымның көрінісі және құқықтық мемлекеттің негізін нығайтуға қосқан үлес.
Ақмола облысының прокуратурасы
Ақпарат көзі : https://www.gov.kz/memleket/entities/prokuratura-akm-obl/press/news/details/1012378?lang=kk
Жауап қалдыру Жауапты болдырмау