Концерттер, фестивальдар мен билер: қарағандылықтарды демалыс күндерін Орталық саябақта өткізуге шақырады

Осы демалыс күндері, 14 және 15 маусымда қарағандылықтарды Орталық мәдениет және демалыс саябағында қызықты бағдарлама күтіп тұр.

Сенбі күні, 14 маусымда қала тұрғындары мен қонақтары келесі шараларға қатыса алады:

– сағат 10:00 – Донор күнін мерекелеуге. Іс-шарада қалай және кім қан доноры бола алатыны туралы ақпарат алуға болады. Саябақта тақырыптық фотоаймақтар орнатылып, құрметті донорлар алғыс хаттармен марапатталады. Сондай-ақ, бағдарламада мерекелік концерт;

– сағат 11:00 – қайың тоғайында иірімжіппен, жіппен және ілмекпен тоқуды ұнататындарды күтеді;

– сағат 12:00 – Сабантойға, ұлттық татар мерекесіне шақфрады;

– сағат 16:00 – демалыс күнінің концерттік бағдарламасы.

Жексенбі күні, 15 маусымда саябақта іс-шаралар таңертең басталады. Сағат 08:00 йога әуесқойларын шақырады. Түрлі жаттықтырушылармен сабақтар бірден екі жерде өтеді: «Шахтер» футбол клубына арналған монументтің оң жағында және қайың бағында – Сейфуллин атындағы театр ғимаратының артында.

Сағат 10:00 қарағандылықтар зумба-жаттығуға қатысады.

Сағат 12:00-де Орталық саябақта Әке күніне орай спорттық іс-шаралар басталады. Бағдарламада отбасылық эстафеталар мен жарыстар бар.

Сағат 14:00-де Әкеге арналған «Әке асқар тау» концерті басталады. Сахнадан әкелер туралы әсерлі композициялар орындалады.

Сағат 17:00 «Стрит Бит Қарағанды» көше мәдениеті фестиваліне қатысуға ниет білдірушілер шақырылады. Бағдарламада көше билері мен заманауи музыка бар.

Сағат 19:00 – дәстүрлі демалыс күнгі концерт.

Ақпарат көзі : https://www.gov.kz/memleket/entities/karaganda/press/news/details/1017027?lang=kk