Ақтөбе өңірінде Кеңес Одағының батыры Әлия Молдағұлованың 100 жылдық мерейтойына арналған шаралар жалғасуда.
С.Жиенбаев атындағы облыстық жасөспірімдер кітапханасында Кеңес Одағының Батыры Әлия Молдағұлованың 100 жылдық мерейтойы аясында тағылымды шара ұйымдастырылды.
Шара аясында облыс әкімінің орынбасары Жолдас Батырхан өңірдегі Әлия Молдағұлова есімді қыз-келіншектер, 2025 жылы дүниеге келген Әлия есімді сәбилер және олардың аналарымен кездесті. Бұл – батыр қыздың есімін ұрпақ жадында сақтау мақсатында ұйымдастырылған игі бастама.
Кездесу барысында қатысушыларға мерейтойлық кәдесыйлар табыс етіліп, батыр бабалар ерлігі туралы тағылымды әңгімелер өрбіді.
Әлия Молдағұлова есімінің ұрпаққа өнеге, ерлік пен отансүйгіштіктің символы ретінде маңыздылығы ерекше атап өтілді.
Ақпарат көзі : https://www.gov.kz/memleket/entities/aktobe-zher-paidalanuy/press/news/details/1016996?lang=kk
Жауап қалдыру Жауапты болдырмау