Ақмола облысы прокуратурасымен 1 топтағы мүгедектің құқықтары қорғалды

Бұланды аудандық сотының шешімімен мүгедектігі бар адамнан талапкердің пайдасына 1 млн теңге мөлшерінде негізсіз байыту сомасы өндірілді.

Алайда, сот талқылауы барысында талапкер де, жауапкер де бір-бірін білмейтіндігі, олардың арасында қандай да бір шарттық және өзге де қатынастар жоқ екендігі анықталды.

Сонымен қатар, жауапкер 1-топтағы мүгедек болып табылады, балалар церебральды сал ауруы диагнозы қойылған, денсаулығына байланысты өз бетінше шешім қабылдай алмайды.

Осыған байланысты, Бұланды ауданының прокуроры сот шешіміне апелляциялық өтініш енгізді.

Ақмола облыстық сотының азаматтық істер жөніндегі сот алқасы прокурордың апелляциялық өтінішхаты бойынша бірінші сатыдағы соттың шешімінің күшін жойып, талап қоюды қанағаттандырудан бас тарту туралы жаңа шешім шығарды.

Осылайша, 1-топтағы мүгедектің материалдық мүдделері қорғалды.

Ақмола облысының прокуратурасы 

Ақпарат көзі : https://www.gov.kz/memleket/entities/prokuratura-akm-obl/press/news/details/1016859?lang=kk