Жыл сайын, 1 маусымда Қазақстанда Халықаралық балаларды қорғау күні атап өтіледі. Бұл күн мемлекеттің, аймақтардың, қалалардың қызметінде ерекше маңызды рөл атқарады. Бала күтімі – Мемлекет басшысы Ұлттық Құрылтайдың IV отырысында атап көрсеткен бірлескен жауапкершілік және мемлекеттік саясаттың нақты басымдығы.
Балаларды қорғау күніне орай Қазақстан Республикасының Оқу-ағарту министрлігі құқықтарды қорғау комитетімен бірлесіп, Қазақстанда іс-шараларды өткізу туралы ұсыныстармен «Қазақстан балалары» тұжырымдамасын қабылдады. Мерекенің негізгі идеясы – әр бала үшін еститін, қорғалатын және маңызды сезінетін ортаны қалыптастыру. Бұл мереке елдің бүгіні мен болашағы балалардың сенімділігі мен әл-ауқатына негізделгенін атап көрсетеді.
Тұжырымдама аясында 22 – 30 мамырдан бастап күн сайын маңызды тақырыптарға арналған ерекше, мағыналы: денсаулық, отбасы, бала құқықтарын қорғау және қауіпсіздік бағыттары бойынша «Әкем – тірегім, анам – жүрегім», «Полиция – балалардың қорғаны», «Балалардың сенімді дәрігері», «Балалар үні» «Кибер Тұмар», «Бала қауіпсіздігі – басты орында» шаралар өтеді.
Тұжырымдама ұсынымына сәйкес Павлодар қаласының білім беру ұйымдарында осы күндері ата-аналармен, құқық қорғау органдарының, денсаулық сақтау органдарының өкілдерімен, төтенше жағдайлар департаментімен бірлескен іс-шаралар өткізіледі.
Мәселен, «Әкем – тірегім, анам – жүрегім» бағытында экологиялық мәдениетті қалыптастыру үшін мектеп пен отбасының күш-жігерін біріктіру тұжырымдамасымен № 36 экологиялық бағыттағы мектепте 22 мамырда «Алма бағы» экологиялық акциясы аясында мектеп маңындағы аумаққа алма ағаштарының көшеттері отырғызылды.
23 мамырда барлық жерде футболдан, шахматтан «Жас қорғаушылар кубогы» турнирлері өткізілді, кинологтар мен ІІМ арнайы күштерінің көрсетілімдері өтті, Ертіс променадта фильм көрілді. Іс-шараға 250 оқушы қатысты.
24 мамырда қалалық саябақта «Бала FEST» балалар мерекесін Павлодар қаласы білім беру бөлімінің «Жігер» балалар-жасөспірімдер орталығы ұйымдастырды. Бағдарламада сурет салу, қолөнер және ұлттық стильдегі гипс бұйымдарын бояу бойынша шеберлік сағаттар, интерактивті кітап көрмесі, «Ұлы дала ойындары» этно-алаңы – асық ату, бес тас, тоғызқұмалақ, садақ ату, каратэ шотокан мен қазақша күрестен «Жігер CUP» спорттық турнирі, орталықтың талантты мамандарының қатысуымен «Балалық шақ – жарқын әлем» концерттік бағдарламасы болды.
Қала мектептерінде ата-аналарға балаларды тәрбиелеу бойынша психологтердің кездесулері, отбасылық құндылықтар мен дәстүрлерді бейнелейтін балалар суреттерінің байқаулары, кәсіби бағдар беретін шығармашылық көрмелер, кездесулер, экскурсиялар өткізілді. Құқықтық мәдениет бойынша тақырыптық іс-шаралар, профилактикалық акциялар, «Полицейге хат» байқаулары, «Мен-полицеймін» квесті, «Қауіпсіз маршрут», «Қауіпсіз аула» акциялары, футбол, күрес, шахмат бойынша «Жас қорғаушылар кубогы» турнирлері, салауатты өмір салты, аурулардың алдын алу, дұрыс тамақтанудың рөлі туралы ақпараттық материалдарды таратумен медицина қызметкерлерімен «Өз денсаулығыңды тексер» тақырыбында ақпараттық кездесулер өткізілді. Барлық іс-шараларға 45000-нан астам оқушы қатысты.
27 мамырда қала мектептерінде «Асфальттағы түрлі-түсті армандар» суреттер байқауы өткізіледі, «Менің болашағым» атты бейнероликтер шеруі жоспарланып, онда болашақ жоспарлар, армандар және мақсаттарымен бөлісіледі. 29 мамырда Төтенше жағдайлар департаменті мектептермен бірлесіп «Құтқарушылар мен өрт сөндірушілер – балалардың көзімен» суреттер шеруін, Ертіс променадта алғашқы көмек көрсету, түрлі жағдайларда қауіпсіз жүріс-тұрыс ережелерін оқыту бойынша шеберлік сағаттар өткізеді. Өрт сөндіру бөлімдері мен құтқару станцияларында заманауи құтқару құралдарын, дрон техникасын көрсете отырып, «Ашық есік күндері» өткізілетін болады.
1 маусымда Павлодар қаласы әкімінің жалпы білім беретін мектептердің дарынды балаларымен дәстүрлі кездесуі өтеді. Қаланың білім беру ұйымдарының балалары мен педагогтері орталық жағалауда балаларды қорғау күніне арналған қалалық іс-шараларға қатысады.
2 маусымда қаланың 32 мектебінде ұзақтығы 15 күн болатын екі маусымда 2-4 сынып оқушылары үшін күндізгі лагерьлер ашылады. Павлодар қаласы білім беру бөлімінің «Балдәурен» оқу-сауықтыру лагерінде 150 оқушыға арналған алғашқы жазғы маусым ашылады. Жалпы жазғы кезеңде 1200 оқушыны қамтитын 8 маусым өткізіледі.
Ақпарат көзі : https://www.gov.kz/memleket/entities/pavlodar-bilim/press/news/details/1004863?lang=kk
Жауап қалдыру Жауапты болдырмау