Гастрольдік сапармен Тараз қаласына келген Мұхтар Әуезов атындағы Қазақ ұлттық драма театрының жас актерлері өңір көрерменіне тың форматта дайындалған әсерлі қойылым – «Сезім хаттары…» кешін ұсынды.
⠀
Қазіргі технологиялық заманда ұмыт бола бастаған, бірақ адам жанын тербететін бірегей құндылық – қолмен жазылған хаттар арқылы махаббат, сағыныш, өкініш пен үміт сынды терең сезімдер сахна төрінде жаңаша үнмен жаңғырды.
⠀
Сіз бір сәт сүйіктіңізге өз қолыңызбен хат жазып көрдіңіз бе?.. Бәлкім, бұл бүгінгі цифрлы дәуірде ескірген әрекеттей көрінер. Алайда кейбір сөздер бар – тек жүрекпен ғана жеткізуге болады.
⠀
Дәл осы идеяны арқау еткен «Сезім хаттары…» – көрермен мен актер арасындағы шынайы эмоционалды диалог. Еркін атмосферада өткен бұл кеш көрерменнің жүрегіне жол тауып, сезім мен сырға толы ерекше әсер сыйлады.
⠀
🔸 Актерлік құрам:
▪️М. Асаубай
▪️Ә. Есбатыр
▪️Ә. Базарбай
▪️А. Ағымбай
▪️И. Құлмағамбетова
▪️Р. Бекет
▪️Қ. Демеу
▪️М. Тағанов
▪️Ғ. Амангелдіұлы
▪️Е. Тілеухан
⠀
«Сезім хаттары…» – бұл тек сахналық қойылым емес, адамның ішкі әлеміне үңілтетін сырлы сапар.
Ақпарат көзі : https://www.gov.kz/memleket/entities/zhambyl-cultura-arhiv/press/news/details/1004110?lang=kk
Жауап қалдыру Жауапты болдырмау