1971 жылдан бері жұмыс істеп келе жатқан фельдшерлік-акушерлік пункт бүгінде 1 712 тұрғынға қызмет көрсетеді. Мұнда барлығы 9 медициналық маман халыққа алғашқы медициналық көмек ұсынады.
Ғимарат жағдайы туралы ауыл тұрғындары тиісті орындарға жүгінген болатын. Аудан әкімдігінің қолдауымен «Журавлёвка-1» ЖШС инвестор тартылып, мекеме ғимаратын күрделі жөндеуден өткізуге келісім берді. Ең бастысы — бұл жұмыстар толықтай тегін, қайтарымсыз негізде жүзеге асырылуда.
Жөндеу жұмыстары аясында келесі шаралар қарастырылған:
— холл мен медициналық кабинеттерді жөндеу және жаңарту;
— кәріз жүйесін толық ауыстыру және санитарлық тораптар орнату;
— жаңа электрмен жабдықтау жүйесін енгізу;
— шатыр, терезелер мен есіктерді толық ауыстыру;
— ғимараттың қасбеті мен кіреберіс бөлігін жаңарту;
— гараж бен қазандықты жөндеу.
Жөндеу жұмыстары 2025 жылдың тамыз айында аяқталады деп жоспарлануда.
Ақпарат көзі : https://www.gov.kz/memleket/entities/aqmola/press/news/details/1004635?lang=kk
Жауап қалдыру Жауапты болдырмау