Балалар сапары кезінде тағамнан уланудың алдын алу бойынша семинар

Жарияланды:

20/06/2025 16:20

—

Автор:

Қызылорда бөлімшелік көліктегі санитариялық-эпидемиологиялық бақылау басқармасы 2025 жылға арналған негізгі ұйымдастыру іс-шараларының жоспары негізінде «Ұйымдасқан балалар ұжымдарының теміржол көлігімен жолға шығу кезінде тағамнан улану жағдайларының алдын алу» тақырыбында ақпараттық-түсіндіру жұмысын күшейту мақсатында «ҚАЗКӨЛІККӘСІП» ҚБ Қызылорда филиал, «ҚТЖ-Жүк тасымалы» ЖШ «ГП Қызылорда бөлімшесі»филиал, «Қазақстан темір жолы» Ұлттық компаниясы» АҚ филиалы-Қызылорда магистральды желі бөлімшесі филиал және «Жолаушылар тасымалы» АҚ«Батыс аймақ филиалы», «Nomadas» ЖШС, «ARLAN-TRANS-ASTANA» ЖШС, «Марал-Нұр» ЖШС, «Жолаушылар тасымалы» АҚ «Қала маңындағы тасымалы» филиалы Шымкент аймақтық телімі қызметкерлері арасында ақпараттық-түсіндіру семинар жүргізді.

Семинардың басты мақсаты – ұйымдастырылған балалар топтарының жол қауіпсіздігін және денсаулығын қорғауды қамтамасыз ету.

Негізгі ережелер:

Балалардың жеке гигиенасы қатаң бақылауда болады;
Жолда тез бұзылатын және кілегей, ет өнімдерін сатып алуға тыйым салынады;
Балалар ауыз сумен толық қамтамасыз етілуі тиіс;
Медициналық қызметкер топпен бірге жүреді және алғашқы көмек қобдишасы болады;
Рұқсат етілген жол азығына тек өнеркәсіпте өндірілген консервілер, печенье, шырын және су кіреді;
Инфекция белгілері бар балалар жолға шықпайды, ауырған жағдайда оқшауланады;
Ақпарат тиісті медициналық және санитарлық органдарға уақтылы жеткізіледі.

Семинарда қатысушыларға түсіндіру жұмыстары жүргізіліп, сұрақтарына жауап берілді.