Халыққа тегін заңгерлік кеңес беру

Құрметті Түрксіб ауданының тұрғындары!

2025–2030 жылдарға арналған Заң және Тәртіп идеологиясын қоғамда ілгерілету Концепциясын жүзеге асыру аясында Түрксіб ауданы әкімінің аппараты мен Алматы қаласы Қоғамдық даму басқармасының бірлесіп ұйымдастыруымен халыққа тегін заңгерлік консультация беру акциясы өткізу жоспарлануда.

Акцияға төмендегі құқық қорғау органдардың өкілдері қатысады:

• Алматы қаласының Прокуратурасы;
• Алматы қаласының Полиция департаменті;
• Алматы қаласы бойынша Сыбайлас жемқорлыққа қарсы іс-қимыл агенттігінің департаменті;
• Алматы қаласы бойынша Экономикалық тергеу департаменті;

Аудан тұрғындары құқықтар мен міндеттер, сондай-ақ мемлекеттік органдармен өзара әрекеттесу мәселелері бойынша құқық қорғау органдарының өкілдерінен тегін заңгерлік кеңес ала алады.

Өткізілетін орны: Алматы қаласы, Түрксіб ауданы, «№6 Оқушылар үйі»;

Өткізілетін Уақыты: 2025 жылғы 26 маусым, сағат 10:00;

Барлық сұрақтар бойынша байланыс телефоны: 📞 8 707 728 01 22;

Барлық ниет білдірген тұрғындарды іс-шараға қатысуға шақырамыз!

Ақпарат көзі : https://www.gov.kz/memleket/entities/almaty-turksib/press/news/details/1022145?lang=kk