11 шілде күні Атырау қаласындағы Абай орталығында мектеп түлектері үшін маңызды шара өтті – Ресей Федерациясының жетекші жоғары оқу орындары өкілдерінің қатысуымен білім көрмесі ұйымдастырылды.
Астрахань, Татарстан және Мәскеу қалаларынан келген университет өкілдері жергілікті мектеп түлектерімен бетпе-бет жүздесіп, шетелдік білім алудың мүмкіндіктерімен бөлісті.
Кездесуге қатысқан оқу орындары қатарында:
-
Ф.М. Апраксин атындағы Каспий теңіз және өзен көлігі университеті
-
Губкин атындағы Ресей мемлекеттік мұнай және газ университетінің Атырау филиалы
-
«Алабуга Политех» оқу орталығы (онлайн байланыс арқылы)
Шара барысында түлектер оқу бағдарламалары, стипендиялық мүмкіндіктер, халықаралық серіктестіктер, жатақханамен қамтамасыз ету және студенттік өмірдің ерекшеліктері туралы жан-жақты ақпарат алды.
Бұл – жай ақпараттық кездесу емес, бұл – жастардың болашаққа жасаған нақты қадамы. Армандаған мамандыққа алғашқы қадам, жаңа қалада білім алу мүмкіндігі, және де жаңа елде өмір сүру перспективасы осы жерден басталуы мүмкін.
📸 Қатысушылар ұйымдастырушылар мен университет өкілдеріне өз сұрақтарын қойып, шетелдік білімге қызығушылықтарын арттырды.
Ақпарат көзі : https://www.gov.kz/memleket/entities/atyrau-bilim/press/news/details/1034321?lang=kk
Жауап қалдыру Жауапты болдырмау