Іле ауданы Төтенше жағдайлар бөлімінің қызметкерлері Қосөзен ауылындағы «Айналайын» балабақшасының тәрбиеленушілерімен «Жер сілкінісі кезінде эвакуация» тақырыбында профилактикалық іс-шара өткізді.
Іс-шараның мақсаты – мектепке дейінгі жастағы балаларға жер сілкінісі кезіндегі мінез-құлық ережелерін түсіндіру және эвакуация кезінде дұрыс әрекет етуге үйрету болды. Сабақ барысында мамандар балаларға жер сілкінісі деген не, дабыл белгісі қандай болатынын және мұндай жағдайда сабыр сақтаудың маңыздылығын түсіндірді.
Практикалық бөлімге ерекше көңіл бөлінді: тәрбиеленушілер тәрбиешілерімен бірге дабыл белгісі бойынша үстелдердің астына тығылу, ғимараттан қауіпсіз аймаққа ретімен шығу және эвакуация кезінде тәртіп пен тыныштықты сақтау әрекеттерін тәжірибе жүзінде орындады.
Іс-шара достық және белсенді атмосферада өтті, балалар қызығушылық танытып, көптеген сұрақтар қойды. Мұндай сабақтар балалардың төтенше жағдай кезіндегі саналы және дұрыс әрекет ету қабілетін қалыптастыруға, сондай-ақ балабақша қызметкерлерінің қауіпсіздікті қамтамасыз ету деңгейін арттыруға септігін тигізеді.
Алматы облысы ТЖД
Ақпарат көзі : https://www.gov.kz/memleket/entities/emer-alm/press/news/details/1037125?lang=kk
Жауап қалдыру Жауапты болдырмау