Қазақстандағы туристік ағындарды есепке алу үшін ұялы байланыс операторларының деректері қолданыла бастады, деп хабарлайды Tengri Travel.
Пилоттық жоба туралы Туризм және спорт министрі Ербол Мырзабосыновтың Ұлттық статистика бюросының өкілдерімен кездесуінде айтылды.
Қазақстанда алғаш рет ұялы байланыс операторларының иесіздендірілген деректері пайдаланылды — ел ішінде туристердің қозғалысы ұялы телефондардың сигналдары бойынша бақыланды.
Министрдің айтуынша, цифрлық деректерге көшу бұрынғы есепке алу жүйесіндегі олқылықтарды жоюға және туристік белсенділіктің толық бейнесін алуға мүмкіндік береді. Бұл өз кезегінде инфрақұрылым мен туристік қызметтерді дамытуды тиімді жоспарлауға көмектеседі.
Ұлттық статистика бюросының басшысы Мақсат Тұрлыбаев Қазақстан ТМД-да мұндай әдістемені ресми түрде енгізген алғашқы ел болатынын атап өтті.
Мұндай тәсіл Сауд Арабиясы, Индонезия, Оман және Эстония сияқты бірқатар елдерде қолданылады.
Ақпарат көзі : https://www.gov.kz/memleket/entities/karaganda-kasipkerlik/press/news/details/1045460?lang=kk
Жауап қалдыру Жауапты болдырмау