Құтырудың алдын алудың негізгі шаралары

Құтырма – адамның және жануардың өлімге алып келетін аса қауіпті инфекциялық ауруы.

Адам:
жануарлардың терісінен, сілемейлі қабығынан бөлінетін сілекей жұққан немесе жабайы және үй жануарлары, сондай-ақ жарғанаттар тістеген кезде жұқтыруы мүмкін.

Құтырма ауруының белгілері:
дене қызуының көтерілуі, шаршау, ұйқысыздық, алаңдаушылық, тістеген жерді ауыруы, шуды, жарықты жақтырмау, аяқ-қол бұлшықеттерінің тартылуы, судан қорқу, сандырақтау, қорқу сезімі, галюцинация, ауаның желпуінен қорқу, сілекейдің көп бөлінуі, тыныс алу бұлшықеттерінің нашарлауы және параличі.

Алдын алудың негізгі шаралары:
-үй жануарларын құтырма ауруына қарсы егіңіз, жануардың әдеттен тыс мінез-күйі анықталған жағдайда ветеринариялық маманға хабарлаңыз;
-жануар (көбінесе ит) тістеген жағдайда бірінші кезекте тістеген және сілекей жұққан жерді сабынмен көбірек көпіртіп мол сумен жуыңыз;
-зардап шеккен адамды құтқарудың бірден бір жолы уақытылы екпе жасау болғандықтан, медициналық мекемеге дереу жүгініңіз.

Железин аудандық санитариялық-эпидемиологиялық бақылау басқармасы

Ақпарат көзі : https://www.gov.kz/memleket/entities/pavlodar-zhelezinka/press/news/details/1046173?lang=kk