Халықты вакцинациямен қамту мәселелері бойынша кезекті жедел штаб отырысы өтті. Жиынға облыс әкімінің орынбасары төрағалық етті.
Отырыс барысында облыстың бас мемлекеттік санитариялық дәрігері Серік Омарханов эпидемиологиялық жағдай туралы баяндама жасап, бірқатар аудандарда вакцинация деңгейінің төмен екеніне назар аударды. Әсіресе, Біржан сал, Бурабай және Бұланды аудандарындағы жағдай алаңдаушылық тудырады, бұл өңірлерде вакцинациямен қамту жеткіліксіз деңгейде қалып отыр.
Штаб мүшелері қалыптасқан жағдайдың себептерін талқылап, оны шешудің ықтимал жолдарын қарастырды. Алға қойылған басым міндеттердің қатарында – халық арасында ақпараттық-түсіндіру жұмыстарын күшейту, медициналық қызметтердің қолжетімділігін арттыру, сондай-ақ жергілікті атқарушы органдармен өзара іс-қимылды нығайту.
Аудан өкілдері жүргізіліп жатқан іс-шаралар туралы баяндап, иммундау қарқынын тежеп тұрған негізгі мәселелерді атап өтті. Жиын қорытындысы бойынша осы бағыттағы жұмысты күшейтуге қатысты нақты тапсырмалар мен ұсынымдар берілді.
Ақпарат көзі : https://www.gov.kz/memleket/entities/departament-kkbtu-akmolinsk/press/news/details/1046787?lang=kk
Жауап қалдыру Жауапты болдырмау