ШҚО ПД-да Абай Құнанбайұлының 180 жылдығына арналған тағылымды іс-шара өтті
Шығыс Қазақстан облысы Полиция департаментінің музейінде қазақтың ұлы ақыны, ойшылы және қоғам қайраткері Абай Құнанбайұлының 180 жылдық мерейтойына арналған мәдени іс-шара өтті.
Қатысушыларға ақынның өмір жолы мен шығармашылығын бейнелейтін фотокөрме мен шығармалары қойылған кітап көрмесі ұсынылды. Шараның құрметті қонағы – А.С. Пушкин атындағы Шығыс Қазақстан облыстық кітапханасының өкілі Томирис Баязықова көрмеге шолу жасап, ұлы ақынның «Қара сөздерін» қамтитын заманауи онлайн-қосымшаны таныстырды. Бұл қосымшаға QR-код арқылы кіріп, материалдармен танысуға және «Қара сөздерді» жүктеп алуға мүмкіндік бар.
Бағдарлама барысында Абай шығармашылығына арналған блиц-сауалнама өтті. Қатысушылар ақынның әндері мен философиялық туындыларына қатысты сұрақтарға белсенді жауап берді. Ең көп дұрыс жауап бергендерге «Қара сөздер» жинағы мен естелік сыйлықтар табыс етілді.
Іс-шарада Полиция департаментінің қызметкері өзінің сүйікті Абай шығармасын оқып, оның мән-мағынасы мен рухани құндылығын ерекше атап өтті.
Жылы әрі мазмұнды өткен бұл кездесу ұлы ақынның мол мұрасын насихаттауға және ұлттық рухани қазынаны дәріптеуге үлес қосты.
ШҚО ПД баспасөз қызметі
Ақпарат көзі : https://www.gov.kz/memleket/entities/mvd-vko/press/news/details/1048338?lang=kk
Жауап қалдыру Жауапты болдырмау