АРЫС ҚАЛАСЫНДА «МЕКТЕПКЕ ЖОЛ» АКЦИЯСЫ ӨТТІ
Арыс қаласында «Мектепке жол» акциясы аясында мектеп тауарлары мен оқу құралдарының жәрмеңкесі өтті. Шараға арнайы қатысқан қала әкімі Қайсар Маңқараев тұрғындармен бірге сөрелерді аралап, оқу құралдарының сатылымын бақылады. Онда аудан кәсіпкерлерімен қатар, өңірдегі басқа аудан, қалалардан 20-дан астам кәсіпкер келіп мектеп киімдері мен қажетті жабдықтарды жеңілдікпен, базар нарқынан төмен бағада ұсынды.
Аталған жәрмеңке жаңа оқу жылы қарсаңында ата-аналарға жеңілдік есебінде өзге қалаларға бармай-ақ, балаларына қажетті мектеп құралдарын бір жерден әрі төмен бағамен алу мақсатында ұйымдастырылған.
Ақпарат көзі : https://www.gov.kz/memleket/entities/turkestan-kogamdyk-damu/press/news/details/1050872?lang=kk
Жауап қалдыру Жауапты болдырмау