Айыртау ауданындағы жұмыс сапары барысында Ермек Көшербаев Лобаново ауылында орналасқан «Зейнеп» көпсалалы колледжінің қызметімен танысты

Оқу орны Almaty Management University сенімді басқаруына берілген. 

Бүгінде колледжде 378 студент сұранысқа ие бағыттар бойынша білім алуда. Атап айтқанда: ақпараттық технологиялар, туризм және гид-аударма ісі. Оқу үдерісі еңбек нарығының қазіргі талаптарына толық сай, тәжірибеге бағытталған түрде ұйымдастырылған.

📍 Сапар аясында Kozybaev University университетінде де болды. Мұнда студент жастармен жүздесіп, оқу барысымен танысты. Сонымен қатар, 1 200 орынға арналған жаңа студенттік жатақхана кешенін аралады. Бұл – өңірдегі ең ауқымды студенттер үйі. Заманауи талаптарға сай салынған жатақхана әр өңірден және шет елдерден келген студенттер үшін барлық қажетті жағдаймен қамтамасыз етілген.

Ақпарат көзі : https://www.gov.kz/memleket/entities/sko/press/news/details/1051761?lang=kk