Ақтау қаласының қоғамдық көліктерінде тегін жүру карталарын тарату жұмыстары басталды.

Аталған төлем карталарын төменде көрсетілген санаттағы Маңғыстау облысының қала, аудан азаматтары ала алады:

1. 1-2 топ мүгедектігі бар жандар;
2. Бала жастан 1, 2 – топтағы мүмкіндігі шектеулі жандар;
3. Чернобыль АЭС қатысушылары;
4. Көп балала аналар;
5. Маңғыстау облысының (қала, аудан) құрметті азаматтары;
6. Алтын және Күміс алқа иегерлері;
7. 1986 жылғы Желтоқсан оқиғасына қатысқан тұлғалар.

Сондай-ақ тұрғылықты мекен-жайы Ақтау қаласы болып табылатын зейнет жасындағы тұлғалар төмендегідей тәртіппен жеңілдік карталарына ие бола алады:

1. Зейнеткерлерге 50% жеңілдік;
2. 70 жастан асқан зейнеткерлерге 100% жеңілдік.

Транспорттық карталарды Ақтау қаласы 7 ш/а 24 үй жанындағы кеңседен ала аласыздар. Қосымша сұрақтар үшін +7 700 295 5347 нөміріне хабарласуларыңызға болады.

Айта кетейік аталған санаттағы азаматтар жеке басын және санатын дәлелдейтін құжаттармен келу сұралады.

Ақтау қаласы әкімдігінің баспасөз қызметі

Ақпарат көзі : https://www.gov.kz/memleket/entities/akimat-goroda-aktau/press/news/details/1049832?lang=kk