Астана қаласының Көлік және жол-көлік инфрақұрылымын дамыту басқармасы Д.Қонаев пен Ақмешіт көшелерінің қиылысында жөндеу жүргізеді, деп хабарлайды елорда әкімдігінің ресми сайты.
Осыған байланысты 15 тамыз күні сағат 22:00-ден 16 тамыз күні сағат 06:00-ге дейін, сондай-ақ 16 тамыздағы сағат 22:00-ден 17 тамыздағы сағат 06:00-ге дейін аталған учаскеде көлік қозғалысы толығымен жабылатын болады. Күндізгі уақытта қозғалыс ашық болады.
Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет.
Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады.
Ақпарат көзі : https://www.gov.kz/memleket/entities/astana/press/news/details/1052020?lang=kk
Жауап қалдыру Жауапты болдырмау