– Борышкерлер мен алимент төлемейтіндерді іздестіру көші-қон қызметінің маңызды бағыттарының бірі болып табылады. Павлодар облысы ПД көші-қон қызметінің қызметкерлері алимент төлемегені, борышкерлер және туыстарымен байланысын жоғалтқаны үшін іздеуде жүрген адамдардың орналасқан жерін анықтау бойынша тұрақты негізде жұмыс жүргізуде.
– Мысалы, алимент төлемейтін ер адамдар ғана емес, балаларының тағдырына қызықпайтын немқұрайлы аналар да бар.
Мәселен, полицейлер осы жылдың сәуір айынан бастап өзінің төрт кәмелетке толмаған баласын тәрбиелеуге және күтіп-бағуға алимент төлеуден жалтарған Павлодар қаласының тұрғынының іздеуде жүрген жерін анықтады. Үш айда оның бір миллион теңгеден астам берешегі бар – деп хабарлайды Павлодар облысының ПД.
Жыл басынан бері облыс аумағында 179 борышкер іздестіру жарияланды, оның ішінде 92 полиция қызметкерлері белгілеп, сот шешімін одан әрі орындау үшін жеке сот орындаушыларына тапсырды.
Естеріңізге сала кетейік, балаларға қамқорлық жасау және отбасы алдындағы қаржылық міндеттемелерді орындау – бұл заңды талап қана емес, сонымен қатар әрбір ата-ананың моральдық міндеті.
Балаларды немесе еңбекке жарамсыз ата-аналарды асырауға қаражат төлеу жөніндегі міндеттерді үш айдан астам мерзім ішінде орындамағаны үшін қылмыстық жауаптылық көзделген.
Құқықтық салдарды болдырмау және жақындарыңызбен сенімді қарым-қатынасты сақтау үшін өз міндеттемелеріңізді уақтылы орындау маңызды.
Ақпарат көзі : https://www.gov.kz/memleket/entities/mvd-pavlodar/press/news/details/1049717?lang=kk
Жауап қалдыру Жауапты болдырмау