Сарыарқа ауданында, Жамбыл көшесі, 8 мекенжайында заманауи жаңа қоғамдық кеңістіктің абаттандырылуы жүргізілуде. Бұрын бос жатқан бұл жер телімі енді аудан тұрғындары үшін жайлы демалыс орнына айналмақ. Абаттандыру жұмыстарының жалпы аумағы – 0,5 Га м².
Жаңа кеңістікте жаяу серуендеуге арналған аймақ пен спортпен айналысуға қолайлы жүгіру жолы қарастырылады. Ол К.Күмісбеков көш, 7 мекенжайындағы, 800 ағаш егілген қоғамдық кеңістіктің жалғасы болмақ. Күзде қосымша көгалдандыру жұмыстары жоспарланып отыр, көлеңке жасау және микроклиматты жақсарту үшін үйеңкі мен тал, сондай-ақ сәндік-гүлдейтін жасыл-желектер отырғызылатын болады.
Сондай-ақ, заманауи көше жиһаздары орнатылып, аумақ қосымша жарықтандырылмақ.
Барлық жұмыстар қыркүйек айының соңына дейін аяқталады деп жоспарлануда.
Ақпарат көзі : https://www.gov.kz/memleket/entities/astana-saryarka/press/news/details/1050044?lang=kk
Жауап қалдыру Жауапты болдырмау