Қытайдың Чэнду қаласында өткен Дүниежүзілік ойындарда Қазақстан құрамасы тамаша өнер көрсетіп, жоғары дайындық деңгейін паш етті. Самбо Жекпе-жегі бойынша сынға түскен ұлттық құрамамыз шамамен 40 мемлекетті артқа тастап, жалпы командалық есепте 2-орынды иеленді.
Ұлттық құрамада күміс жүлдені полиция аға лейтенанты Танирберген Тергеубеков жеңіп алды. 24 жастағы спорт шебері самбо жекпе-жегімен жеті жылға жуық уақыт айналысып келеді. Ол бұған дейін Әлем кубогында, ІІМ жарыстарында топ жарып, сондай-ақ қазақша күрестен де белсенді түрде өнер көрсетіп жүр.
«Қазақстан атынан халықаралық аренада өнер көрсету – үлкен мәртебе. Жарыстарда бар күшімді салдым, бұл тек жүлде үшін ғана емес, ел намысы үшін күрес. Команданың жеңісіне үлес қосқаныма қуаныштымын», – деді Танирберген Тергеубеков.
Ол ішкі істер органдарында 2023 жылдан бері қызмет етеді. Оның халықаралық спорттық аренадағы жетістігі – полицейлердің құқықтық тәртіпті қамтамасыз етіп қана қоймай, еліміздің абыройын асқақтататынын көрсететін жарқын үлгі.
Ақпарат көзі : https://www.gov.kz/memleket/entities/mvd-astana/press/news/details/1052384?lang=kk
Жауап қалдыру Жауапты болдырмау