Солтүстік Қазақстан облысында Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия мүшелерінің жұмыс сапары өтуде.
Сапар аясында делегация Петропавл қаласындағы бірқатар әлеуметтік және медициналық мекемелерді аралады. Атап айтқанда, комиссия мүшелері қалалық №1 емханасында болып, жасөспірімдер мен жастардың репродуктивті денсаулығын сақтау, сондай-ақ кәмелетке толмағандар арасындағы ерте жүктіліктің алдын алу мәселелеріне ерекше назар аударды.
Сонымен қатар, «Күштерімізді біріктіріп — жасөспірімдер мен жастардың репродуктивті денсаулығын сақтаймыз» тақырыбында семинар ұйымдастырылды. Іс-шараға орталық және жергілікті мемлекеттік органдар, үкіметтік емес ұйымдар, облыс әкімдігі жанындағы аймақтық комиссия мүшелері, сондай-ақ денсаулық сақтау мен білім беру саласының мамандары қатысты. Қатысушылар жас ұрпақтың репродуктивті денсаулығын қорғау мәселелеріндегі өзекті проблемалар мен ведомствоаралық ынтымақтастықтың болашағын талқылады.
Жұмыс сапарының негізгі мақсаты – отбасы және гендерлік саясатты жүзеге асырудағы тәжірибе алмасу, өзара ынтымақтастықты нығайту, сондай-ақ ана мен баланы қолдауға бағытталған бастамаларды дамыту болып табылады.
Ақпарат көзі : https://www.gov.kz/memleket/entities/sko/press/news/details/1053244?lang=kk
Жауап қалдыру Жауапты болдырмау