Өмірдің мәні – адал еңбек пен ізгілік. Қарапайым жұмыс орнында тер төгіп, ел дамуына үнсіз үлес қосқан еңбек адамдарының өмір жолы – нағыз ерлікке пара-пар. Осындай азаматтардың бірі – мұнай-химия саласында жарты ғасырға жуық уақыт табандылықпен еңбек етіп келе жатқан Мұрат Әлжанов.
Ол 1985 жылы еңбек жолын Шымкент мұнай өңдеу зауытында бастады, дәл осы жылы кәсіпорын құрылған еді. Алғашқы қадамын Тауар-шикізат цехының химиялық қоспалар учаскесінде оператор ретінде жасады. Біліктілігі мен еңбексүйгіштігінің арқасында 1991 жылы қоймаларды сақтау және құю бөлімінің 5-разрядты операторы болып ауысты. Ал 2010 жылдан бері 6-разрядты аға оператор қызметін атқарып келеді.
Мұнай-химия саласында жарты ғасырдай уақыт тер төккен еңбек жолы – абыройға толы. Жалпы еңбек өтілі – 47 жыл, оның ішінде «ПетроҚазақстан Ойл Продактс» ЖШС-інде 40 жылдан астам уақыт үздіксіз еңбек етуде.
Өмірде отбасы құндылықтарына ерекше мән береді. 1991 жылдан бері шаңырақ көтеріп, екі ұл мен екі қыз тәрбиелеп өсірді. Бүгінде 10 немеренің ардақты атасы.
Мұрат Әлжанов – қарапайым еңбек адамының, мұнайшы ұрпағының лайықты бейнесі. Оның өмірі мен еңбегі жас буынға өнеге, отандық мұнай-химия саласына сіңірген еңбегі – мақтаныш.
Ақпарат көзі : https://www.gov.kz/memleket/entities/energo/press/news/details/1053011?lang=kk
Жауап қалдыру Жауапты болдырмау